Kas Flamboyan | Een bijna thuis voor de laatste levensfase
16687
home,page-template,page-template-full_width,page-template-full_width-php,page,page-id-16687,ajax_fade,page_not_loaded,,qode-title-hidden,qode-child-theme-ver-1.0.0,qode-theme-ver-13.5,qode-theme-bridge,disabled_footer_top,wpb-js-composer js-comp-ver-5.4.5,vc_responsive

WÈLKÒM RIBA E WÈPSAIT DI FLAMBOYAN

Naturalmente, tur hende ke ta na nan kas ora e momento di bèrdat yega. Tin biaha esaki no por. Den kasonan asina, por skohe pa Kas Flamboyan. Kas Flamboyan ta un asina yamá “kas for di kas” situá na Tera Cora, Kaya Guarana 11, unda famia, amigunan i otronan semper ta bon biní.

Atenshon, kuido, sosiegu, kalor, seguridat i amor ta pa balornan núkleo importante pa nos. Ta trata aki di un kas ku lugá pa 4 persona ku ta den e fase final di nan bida. Un tim dediká di boluntarionan, kuido na kas (thuiszorg) i un dokter di kas ta sòru di dia i anochi pa e personanan aki. Kas Flamboyan ta un kas unda tur hende ku tin atenshon pa su próhimo por ta serka di esun ku el a bin bishitá, den un ambiente di privasidat garantisá.

Esaki ta loke nos ta deseá pa tur hende na Boneiru!

TOKANTE KAS FLAMBOYAN

Hospice Kas Flamboyan ta un instituto sin meta pa hasi ganashi, ku ta brinda kuido na personanan ku ta den e último fase di nan bida, esta personanan ku den e último 3 lunanan di nan bida. Personanan ku ta sufri di un malesa terminal ta sigurá di atenshon, sosten i ayudo dor di boluntarionan entrená, ku sosten di thuiszorg i di un dokter di kas.

Danki na e boluntarionan aki, nos por ofresé kuido den kua kalidat di bida di e habitante ta bini na promé lugá. Kas Flamboyan tei pa tur habitante di Boneiru, sin importá kreensia, religion òf prosedensia étniko. Kas Flamboyan ke brinda tur hende e oportunidat pa fayesé di un manera digno i di forma kuidadoso

Maneho diario ta den man di un direktor, sostené pa un grupo di boluntario entrená, kende nan presensia i atenshon ta indispensabel den e fase di bida di habitantenan di e kas. Kas Flamboyan ta habri 24 ora i 7 dia di siman pa famia i personanan yegá di e persona interná den e kas.

Stichting Hospice Bonaire ta konsistí di e siguiente miembronan di direktiva:

  • Rojer
  • Cicilia
  • Braeken

Koordinator

  • Sami Rosalina +599 777 4762
  • Mimi Dongen +599 796 3512

VISHON

Nos ke pa e habitante mes tin kontrol riba su bida

Pa nos, e habitantenan, su famia i esnan yegá na dje ta pará sentral. Esei ta nifika ku e habitante ta mantené kontrol riba su bida i ku e hendenan di Kas Flamboyan tei p’e. Nos ta sòru pa un kalidat di bida mas altu posibel pa e habitante. Nos a skohe pa un ambiente kaluroso i trankil den un kas komun i koriente, di e forma aki kumpli ku deseonan di e habitante.

Rèspèt pa dignidat di e hende

Kas Flamboyan ta karakterisá su mes komo un sitio sigur unda hendenan por sinti nan mes na kas. Un sitio unda tur kos por i nada tin mester. Kas Flamboyan ta un kas unda tur atenshon ta bai pa dignidat di e hende. Unda e bos di esnan ku ta terminalmente malu, pa suave ku esaki por ta, semper ta wòrdu skuchá.

E KAMBERNAN

Tin kuater kamber dekorá den estilo kasero. Dekorashon di e kas, e kambernan ta sòru pa un ambiente kasero. Kada kamber tin konekshon di wifi, televishon i e posibilidat pa hasi uso di un baño amplio. Por hiba pertenensianan presioso den e kambernan di manera ku e habitante por sinti su mes na kas. Banda di e kambernan, tin un kushina i un sala komun. Tambe tin vários lugá pa sinta na aire liber i un pòrch ku bista riba kunuku.

 

PREGUNTANAN HOPI HASÍ

 

Kon por mèldu un persona?

Via di un dokter di kas, enfermera di bario (thuiszorg), spesialista di Fundashon Mariadal of famia.E dokter di kas ta duna un asina yama ‘terminaalverklaring’ (deklarashon ku e persona ta den fase terminal di su bida), den kua e dokter ta duna di konosé ku e persona tin 3 luna òf ménos di bida.

E persona ta keda ku su dokter di kas?

Si. Su dokter di kas ta keda for di punto di bista médiko, esun ku tin e responsabilidat final. Durante oranan di ofisina, e dokter di kas ta keda esun ku ta trata e persona. Huisartsenpost ta tuma esaki over despues di oranan di ofisina i den oranan di mardugá, e asina yamá ‘achterwacht’. (Esaki ta igual ku den kasonan ku esun terminalmente malu ta na su propio kas)

Ta permití bishita?

Nos no ta apliká oranan di bishita. Bishita ta wèlkòm 24 ora. Si nos ta konsulta promé ku e habitante si e ta deseá bishita. Den kaso ku tin hopi bishita, nos lo chek ku e habitante si e por atendé esakinan.

Ta permití pa habitantenan trese bini ku nan pertenensianan?

E habitante por trese su propio pertenensianan manera por ehèmpel kuadro, pintura, su propio sobrekama, lampi, muzik, potrèt, etcetera.

Ta kome huntu òf apart?

Nos no tin orario fiho pa komementu. E habitante por skohe pa kome ku otro personanan òf apart den su kamber. Pues ta dependé di e habitante unda e ta kome òf si e kier hasi esaki huntu ku otro habitantenan. Esaki ta dependé di e situashon i kondishon di e habitante. Habitantenan ta risibí tur mèrdia un kuminda kayente ku lo entregá na Kas Flamboyan. Desayuno i sena ta wòrdu prepará na Kas Flamboyan mes.

 

Kiko e ta kosta?

Tur asegurado di e isla di Boneiru por hasi apelashon riba estadia den Kas Flamboyan. No tin gastu èkstra mará na esaki.

 

Ki tipo di kuido Kas Flamboyan ta duna?

Nos ta duna kuido 24 ora pa dia. E tipo di kuido ta dirigí ariba konfòrt i no rekuperashon.

 

Mi ke pone mi mes disponibel pa habitantenan di Kas Flamboyan. Kon mi por hasi esaki?

Bo por nifika algu pa habitantenan di e kas si bo mèldu bo mes komo boluntario. Asina bo mèldu, lo bo wòrdu invitá pa un kòmbersashon pa sera konosí. Den kaso ku bo por kuminsá komo boluntario, lo ofresébo un training ku ta wòrdu konkluí ku un sertifikado. Tuma kontakto ku Tanja Kokelkoren: +599 7852245 of via info@kas-flamboyan.com

SOSTENÉ NOS

Kas Flamboyan tin komo meta pa ofresé personanan ku a yega den e último fase di nan bida e posibilidat pa fayesé di un manera digno i kuidadoso. Bo por yuda nos alkansá e meta aki dos di duna un kontribushon i duna nos e derechi di eksistensia. Bo sosten ta altamente nesesario!

Si bo ke duna nos un sosten komo Amigu di Stichting Hospice Bonaire, bo por hasi esaki dor di depositá riba e number di kuenta di banko menshoná aki bou.

 

Kas Flamboyan
Kaya Guarana11, Tera Cora
+599 7178560
info@kas-flamboyan.com
www.kas-flamboyan.com
MCB:   410.43.704, t.n.v. Stichting Hospice Bonaire, Bonaire C.N.
KvK:   9270

MÈLDU KOMO BOLUNTARIO

Òf si bo ke mèldu komo boluntario, tuma kontakto ku:

 

Koordinator

  • Sami Rosalina +599 777 4762
  • Mimi Dongen +599 796 3512

KONTAKTO